Ampliación dos prazos para solicitar axudas polos danos do lobo e o xabaril

Dada a situación derivada da COVID-19, a Administración suspendeu os termos e interrumpiu os prazos de diferentes axudas en proceso de tramitación. As medidas de desescalada postas en marcha están permitindo que se reactiven moitos destes procesos. A Consellería de Medio Ambiente vén de publicar no Diario Oficial de Galicia (DOG) a modificación das seguintes liñas:

1. Indemnizacións por danos do lobo. A estas axudas poden acollerse persoas físicas ou xurídicas titulares de explotacións gandeiras con cobertura para danos de cabezas de vacún, ovino, caprino, porco celta, cabalos, burros e mulas. A convocatoria cobre os danos que se comuniquen desde o 1 de outubro de 2019 ata o 30 de setembro de 2020. O ataque debe notificarse nas 24 horas seguintes ao ataque (gandería intensiva) ou nun máximo de 72 horas (réxime semiextensivo ou extensivo). 

ENLACE PROCEDEMENTO: https://bit.ly/2WpsI1P

PRAZO: 08/06/2020

2. Axudas por danos do xabaril en cultivos agrícolas. A convocatoria está dirixida a explotacións agrarias profesionais que figuren no Reaga e de autoconsumo. É obrigatorio comunicar a incidencia á Consellería de Medio Ambiente no prazo máximo das 72 horas seguintes á produción dos danos.

ENLACE PROCEDEMENTO: https://bit.ly/2WR8Ovo

PRAZO: 08/06/2020

ENLACE AMPLIACIÓN DE EXPEDIENTES: https://www.xunta.gal/dog/Publicados/2020/20200507/AnuncioG0532-040520-0003_gl.html