Agricultura ecolóxica
A mellor maneira de coidar o noso entorno é cos produtos ecolóxicos e sustentables
Que é agricultura ecolóxica?
A agricultura ecolóxica, tamén chamada orgánica ou biolóxica, é un sistema de xestión agraria de produción baseado na premisa de obter alimentos de máxima calidade, máis naturais, saudables e nutritivos sen usar produtos químicos de síntese nin organismos modificados xenéticamente.
Por iso, a agricultura ecolóxica tende a ter un impacto ambiental mínimo xa que os produtos foron producidos e elaborados segundo a normativa europea da agricultura ecolóxica, estando controlados en todo o seu proceso, cultivo, elaboración, envasado, comercialización…
Na produción vexetal utilízanse prácticas e técnicas agronómicas, biolóxicas e mecánicas, tanto innovadoras como tradicionais, que evitan a contaminación do ambiente e aumentan a fertilidade e a actividade biolóxica do chan. Na produción animal, a gandería ecolóxica garante o máximo nivel de benestar animal e o respecto dos ciclos biolóxicos dos animais.
– Obxectivos da agricultura ecolóxica –
Producir alimentos de máxima calidade nutritiva, sanitaria e organoléptica
Ser medioambientalmente sostible e economicamente rendible
Manter a diversidade xenética do sistema agrario e do seu entorno
Aumentar e manter a fertilidade do chan
Preservar a seguridade alimentaria
Evitar as formas de contaminación que poidan resultar das técnicas agrarias
Favorecer o desenrolo rural
– Comparativa agricultura
convencional / ecolóxica –
-
Agricultura convencional
Agricultura Ecolóxica
-
Empréganse produtos derivados do nitróxeno. Como consecuencia dun uso excesivo destes compostos elévanse as concentracións de nitratos en tecidos vexetais, que xeran contaminación tanto no chan como na auga.
O restablecemento da fertilidade natural do chan lévase a cabo mediante esterco, abonos verdes ou favorecendo a fixación de nitróxeno de maneira biolóxica.
-
Cultivo fóra de época e aumento das superficies de monocultivos, que favorecen a aparición de pragas, virulencias e resistencias, o que leva a un aumento da necesidade de empregar tratamentos a base de pesticidas.
Cultivo en tempada e desenvolvemento de técnicas alternativas que inclúen a rotación de cultivos, asociación entre diversos tipos de cultivos e policultivos, eliminando así os produtos químicos de sínteses.
-
O uso excesivo de fitosanitarios provoca un aumento da resistencia de pragas e outras enfermidades, aparición de novas pragas, eliminación de fauna auxiliar útil e acumulación progresiva no chan, entre outras consecuencias.
Emprego de substancias de orixe natural, facilmente biodegradables, que se atopan incluída nas normativas correspondentes.
-
Eliminación dos sebes, de maneira que se facilita a mecanización dos cultivos.
Uso de sebes como refuxio para a fauna auxiliar e, por tanto, como fonte de biodiversidade.
-
Pérdida de variedades locais a favor do uso de variedades híbridas (modificadas xeneticamente)
Cultivo de variedades locais, que se atopan adaptadas ás condicións do medio no que se van a cultivar e que ademais poden ser máis resistentes a pragas e enfermidades. O cultivo de híbridos está permitido, a condición de que as sementes obtéñanse baixo procesos regulados nas normativas.
-
Ofrece produtos en cantidade.
Ofrece produtos de alta calidade.
-
Agricultura convencional
Empréganse produtos derivados do nitróxeno. Como consecuencia dun uso excesivo destes compostos elévanse as concentracións de nitratos en tecidos vexetais, que xeran contaminación tanto no chan como na auga.
Cultivo fóra de época e aumento das superficies de monocultivos, que favorecen a aparición de pragas, virulencias e resistencias, o que leva a un aumento da necesidade de empregar tratamentos a base de pesticidas.
O uso excesivo de fitosanitarios provoca un aumento da resistencia de pragas e outras enfermidades, aparición de novas pragas, eliminación de fauna auxiliar útil e acumulación progresiva no chan, entre outras consecuencias.
Eliminación dos sebes, de maneira que se facilita a mecanización dos cultivos.
Pérdida de variedades locais a favor do uso de variedades híbridas (modificadas xeneticamente)
Ofrece produtos en cantidade.
-
Agricultura Ecolóxica
O restablecemento da fertilidade natural do chan lévase a cabo mediante esterco, abonos verdes ou favorecendo a fixación de nitróxeno de maneira biolóxica.
Cultivo en tempada e desenvolvemento de técnicas alternativas que inclúen a rotación de cultivos, asociación entre diversos tipos de cultivos e policultivos, eliminando así os produtos químicos de sínteses.
Emprego de substancias de orixe natural, facilmente biodegradables, que se atopan incluída nas normativas correspondentes.
Uso de sebes como refuxio para a fauna auxiliar e, por tanto, como fonte de biodiversidade.
Cultivo de variedades locais, que se atopan adaptadas ás condicións do medio no que se van a cultivar e que ademais poden ser máis resistentes a pragas e enfermidades. O cultivo de híbridos está permitido, a condición de que as sementes obtéñanse baixo procesos regulados nas normativas.
Ofrece produtos de alta calidade.
Por que é interesante
para o agricultor?
A agricultura ecolóxica presenta una serie de vantaxes que a fan dun gran interese para o agricultor/produtor:
Ofrécelle aos consumidores e a sí mesmo un produto san e de máxima calidade.
-
Conséguese traballar nun ambiente sen contaminación e máis equilibrado, sen os riscos de toxicidade que lle pode acarrear a agricultura convencional e sen esquilmar os recursos naturais, o que asegura a utilización dos mesmos tanto no presente coma ás futuras xeracións.
-
Atende a crecente e imparable demanda de produtos ecolóxicos, tanto nos mercados máis inmediatos como no conxunto do mercado mundial, xa que son máis valorados e normalmente mellor pagados que os produtos convencionais.
É importante estar informado das normas de produción ecolóxica e coñecer as medidas que hai que tomar para garantir o seu cumprimento, podes consultar a normativa aquí:
Galicia ECO (datos de interese)
– Superficie ecolóxica en Galicia –
Na última década medrou a superficie ecolóxica en Galicia un 198%, pasando de 15.242 ha no ano 2012 a 45.626 ha no ano 2022.
As provincias interiores, Ourense e Lugo acaparan o 83% do total da superficie inscrita en agricultura ecolóxica en Galicia.
-
2.870ha
Pontevedra
-
5.050ha
A Coruña
-
14.320ha
Ourense
-
23.385ha
Lugo
– Operadores ecolóxicos galegos –
(produtores, elaboradores e comercializadores)
-
1506 operadores inscritos en 2022
-
12% máis que o ano anterior
O sector eco galego ten dous polos territoriais: a provincia de Lugo que leva o peso da produción con 458 operadores e a de Pontevedra que leva o peso da industria con 131.
– Produtos ecolóxicos galegos –
Os produtos de orixe animal son os máis representativos na nosa comunidade e supoñen o 57% do total: o leite en primeiro lugar, seguido das carnes, conservas de peixe e ovos.
Aínda que nos últimos anos ten un importante crecemento a produción vexetal, con crecemento nos tubérculos, recolleita silvestre e a horticultura que tanto demanda o consumidor.
– Directorio de produtos e operadores ecolóxicos –
No noso directorio, poderás encontrar os produtos e operadores ecolóxicos inscritos e certificados por CRAEGA.