Arquivos da etiqueta: #somosdeporte

“Participar na Ecoexperiencia do Craega animoume a buscar os produtos que teñen o selo”

Foto de Sportmedia

Belén Toimil é unha lanzadora de peso que este ano participou nos Xogos Olímpicos de Toquio. Nada en Mugardos (A Coruña), empezou a súa andaina deportiva no Club Atletismo Narón. Ata hai uns anos, a alimentación non xogaba un papel importante nos seus adestramentos, pero agora recoñece que lle permite mellorar e sentirse mellor. No número 58 da nosa revista falamos con esta atleta galega que formou parte da primeira Ecoexperiencia, que levamos a cabo conxuntamente con Slow Food Compostela en Pontevedra. 

 Podedes ler aquí a entrevista completa.

Silvia García e Iván Raña, vencedores do III Tríatlon Mar de Muros

O pasado sábado 12 de xuño, celebrouse na vila coruñesa de Muros o III Mar de Muros Tríatlon-Trofeo Iván Raña, a primeira das probas que contou co patrocinio do Craega tras o convenio asinado coa Fegatri. A proba contou con 156 participantes inscritos e os vencedores foron Silvia García e o propio Iván Raña.

Raña marcou diferenza dende o comezo e foi o único participante que conseguiu baixar dos 10 min na proba de natación.  

Pola súa banda, na categoría feminina a primeira no podio foi Silvia García, deportista do Artrogal Tri 498, e xunto a ela subiron Alba Muñiz e  Antía González. 

 

Consulta as clasificacións

Lembrámosvos que o  sábado 26 de xuño terá lugar a primeira proba clasificatoria: o X Tríatlon Concello de Poio, praia de Lourido (Poio, Pontevedra).