Arquivos da etiqueta: produción ecolóxica

Axudas á nova participación de agricultores en réximes de calidade

A Consellería do Medio Rural, a través da Axencia Galega da Calidade Alimentaria (Agacal), vén de convocar unha nova liña de axudas para fomentar a calidade alimentaria entre os agricultores. Cofinanciadas co Fondo Europeo Agrícola de Desenvolvemento Rural (Feader), das subvencións poderán beneficiarse as persoas físicas ou xurídicas, titulares de explotacións agrarias que cumpran a condición de atoparse en activo. 

No caso da produción ecolóxica, tamén se considerará nova participación aquela que se refira a agricultores que, tendo actividade previa no programa de calidade, inicien a súa labor no sector con destino ao mercado en relación a algunha nova orientación produtiva. En todo caso, esta nova orientación debe ter unha dimensión económica suficiente para superar a consideración de actividade de autoconsumo.  

A contía da axuda será do 100% dos gastos subvencionables realizados, sen superar os 3.000 euros anuais por explotación, durante un período máximo de cinco anos. Non se tramitarán expedientes cunha contía inferior a 50 €. 

ENLACE AXUDA: https://www.xunta.gal/dog/Publicados/2020/20200213/AnuncioG0528-161219-0001_gl.html

PRAZO: 15/05/2020

Axudas para prevención e indemnización de danos da fauna salvaxe

Xa se poden solicitar as axudas para previr os danos da fauna salvaxe e tamén consultar as bases para pedir indemnizacións cando se produzan. Segundo a convocatoria da Consellería de Medio Ambiente, existen as seguintes liñas: 

1. Prevención de danos ocasionados polo lobo e o xabaril. Das subvencións poderán beneficiarse as persoas físicas ou xurídicas titulares de explotacións inscritas no Rexistro Xeral de Explotacións Gandeiras (Rega). Haberá axudas para adquirir cans para a protección do gando, pastores eléctricos, cerrumes móbiles de malla electrificada, valados fixos electrificados, valados fixos con malla gandeira ou cinexética metálica. 

ENLACE AXUDA:  https://www.xunta.gal/dog/Publicados/2020/20200207/AnuncioG0532-201219-0002_gl.html

PRAZO: 09/03/2020

2. Indemnizacións por danos do lobo. A estas axudas poden acollerse persoas físicas ou xurídicas titulares de explotacións gandeiras con cobertura para danos de cabezas de vacún, ovino, caprino, porco celta, cabalos, burros e mulas. Cunha partida de 400.000 €, o importe das subvencións é un 30% maior en 75 municipios nos que hai constancia de maior incidencia dos danos.  

ENLACE AXUDA: https://www.xunta.gal/dog/Publicados/2020/20200207/AnuncioG0532-201219-0004_gl.html

PRAZO: 1 mes desde a comunicación do ataque. Para os danos producidos desde o 1 de outubro de 2019 ata o 7 de febreiro, remata o 9 de marzo.

3. Indemnización por danos do xabaril. A convocatoria está dirixida a explotacións agrarias profesionais que figuren no Reaga e de autoconsumo. Cun importe de 2,4 millóns de euros, cada beneficiario pode recibir un máximo de 1.700 euros. 

ENLACE AXUDA: https://www.xunta.gal/dog/Publicados/2020/20200207/AnuncioG0532-231219-0006_gl.html

PRAZO: O afectado dispón dun prazo de 72 horas para comunicar o dano ao teléfono 012 desde que se produce. Despois ten un mes de prazo para presentar a solicitude de indemnización. Para os que notificaran o dano desde o 11 de outubro ata o 7 de febreiro, o prazo para tramitar a petición de axuda conclúe o 9 de marzo.

Xornada técnica sobre pataca ecolóxica en Rairiz de Veiga

A Axencia Galega da Calidade Alimentaria (Agacal) celebra o vindeiro outubro unha xornada técnica sobre a produción ecolóxica de pataca. Terá lugar o luns 7 e o martes 8 (de 08.30 a 20.30 horas) no CEIP Carlos Cid Arregui, en Rairiz de Veiga (Ourense).

O programa está dirixido a agricultores e produtores e pataca, profesionais do medio rural dados de alta na súa actividade, agricultores en xeral, empresas vinculadas á produción (ecolóxica ou non) do tubérculo, e outros actores implicados neste tipo de cultivo.

O enxeñeiro agrónomo e especialista en Agroecoloxía Áxel Torrejón Pineda impartirá o groso dos relatorios. Estará acompañado de Ramón Jesús Lamelo Otero, da Agacal, e Manuel García, de Daiquí, unha cooperativa certificada polo Craega. Para inscribirse, só hai que cubrir este formulario e envialo por correo electrónico a craega@craega.es antes do 03/10/2019. Tamén se pode remitir por fax ao número 982 416 030 ou anotarse por teléfono chamando ao 982 405 300. Neste último caso, o impreso entregarase o día da xornada.

Programa completo e formulario

Axudas para incorporar terras ás explotacións na provincia de Lugo

Xa está aberto o prazo de solicitude de axudas para aqueles produtores da provincia de Lugo que desexen recuperar e incorporar terras á súa explotación. Cunha contía de 100.000 euros, o importe máximo por petición é de nove mil euros. Segundo as bases que figuran no Boletín Oficial da Provincia (BOP), ás subvencións poden acollerse gandeiros ou agricultores individuais, sociedades agrarias de transformación e persoas xurídicas que ostenten a titularidade de explotacións. Tamén se dirixen a aqueles que asuman o seu compromiso de incorporación á agricultura ou gandería e comunidades de bens e sociedades civís que sexan titulares de explotacións agrícolas e/ou gandeiras. O prazo de solicitude péchase o 7 de xuño.