Arquivos da etiqueta: Curso producción ecológica

O coronavirus muda o calendario de feiras ecolóxicas

Celebrada en Núremberg (Alemaña), Biofach abriu o calendario de ferias do Craega en 2020

A pandemia do coronavirus obrigou a cancelar ou pospoñer moitas feiras e encontros de interese para os operadores ecolóxicos, en particular os que estaban programados para o primeiro semestre do ano. Repasamos por orde cronolóxica aqueles nas que ten previsto participar o Craega, ben con estand agrupado ou a través de colaboracións institucionais:

  • Salón Gourmets. Prevista en Ifema (Madrid) do 30 de marzo ao 2 de abril, retrasa a súa celebración a 2021, do 12 ao 15 de abril. Evento europeo máis importante dedicado en exclusiva a produtos delicatessen, o Craega tiña prevista unha degustación de produto ecolóxico no marco da programación desenvolvida pola Axencia Galega da Calidade Alimentaria (Agacal).
  • Alimentaria 2020. De carácter bianual, o salón profesional ía ter lugar do 20 ao 23 de abril en Fira Barcelona, pero a organización decidiu pospoñela primeiro ao 14-17 de setembro e posteriormente a maio de 2021. Varias empresas certificadas polo Craega teñen comprometida a súa participación no espazo que o Ministerio de Agricultura, Pesca e Alimentación reserva á produción ecolóxica. 
  • Organic Food Iberia. Tamén dirixida ao público profesional, estaba programada para o 3-4 de xuño en Ifema (Madrid). A raíz do estado de alarma, nun primeiro momento Diversified Communications trasladou a convocatoria a setembro, pero finalmente avogou por cancelar a edición deste ano e fixar a próxima cita entre o 9 e o 10 de xuño de 2021. O Consello tiña previsto acudir cun estand agrupado.
  • Biocultura Barcelona. Convocada do 7 ao 10 de maio no Palau Sant Jordi, a Asociación Vida Sana aprazou a cita a setembro (do 24 ao 27). O Craega participará cun estand agrupado no que terán cabida 10 operadores certificados.

Curso online gratuito sobre o “Manexo do cultivo ecolóxico da mazá”

Unións Agrarias- Upa imparte un curso sobre o cultivo ecolóxico da mazá, dentro do proxecto Rednaman, programa Empleaverde.

O Programa Empleaverde do Ministerio de Agricultura e Pesca, Alimentación e Medio Ambiente é a iniciativa da Fundación Biodiversidade para o impulso e a mellora do emprego, o emprendemento e o medio ambiente. Está cofinanciadao polo Fondo Social Europeo.

O proxecto Rednaman ten como obxectivo promover a iniciativa empresarial e mellora a empleabilidad no sector produtivo da mazá ecolóxica en zonas Rede Natura

Os cursos son en modalidade a distancia, teñen unha duración de 100 horas e son gratuítos. Os destinatarios son persoas que se atopen en situación de desemprego.

Máis información:

Tel.: 981.530.500
Email: formacion.unions@upa.es
Web: www.unionsagrarias.org