Tag Archives: Medio Rural

Balance de actividade

(GL) O CRAEGA dispara as vendas un 33% e roza os 80 millóns de euros

[/caption]

O Consello Regulador da Agricultura Ecolóxica de Galicia (CRAEGA) segue a medrar ano tras ano. En 2018, as ventas de produto certificado disparáronse un 33,2% e chegaron aos 78,7 millóns de euros. Así o avanzou esta mañá en Boqueixón o presidente do Consello, Francisco López Valladares, que estivo acompañado polo conselleiro de Medio Rural, José González, e o director da Axencia Galega da Calidade Alimentaria (Agacal), Manuel Rodríguez.

“2018 volve a ser un ano excelente para a agricultura ecolóxica. Medran todas as variables: a superficie certificada, a suma de operadores e o volume de vendas”, destacou Valladares. “Estamos convencidos de que isto non vai quedar así e que as cifras van manter a tendencia ascendente nos vindeiros anos. Porque a agricultura ecolóxica chegou para quedar con nós”, celebrou o presidente do CRAEGA.

Na mesma liña se pronunciou o conselleiro. “Xa non é unha moda pasaxeira, nin minoritaria, senón unha actividade cun importante nicho de mercado que cada vez cobra máis forza”, recalcou José González. O titular de Medio Rural fixo fincapé na necesidade de apoiar a vertebración e organización do sector e avanzou que se vai crear unha mesa de produción ecolóxica. A previsión que se convoque “este trimestre”.

PRODUTOS ESTRELA. O leite UHT e a carne avícola, por esta orde, son os produtos certificados estrela, tal e como explicou o secretario do Consello, Javier García Lozano. Cunha facturación superior aos 26 millóns de euros e un crecemento de case 41 puntos, o lácteo é con diferenza o produto que máis ingresos xera. “En Galicia, certificamos o 65% do leite que se consome en España”, recalcou.

Por sectores, a produción animal é a que máis factura (44,3 millóns de euros), pero a do mar é a que máis medra en termos porcentuais (39,53%).

A superficie certificada polo CRAEGA tamén pecha o exercicio en positivo. Con 33.736,44 hectáreas certificadas, o cremento en 2018 ronda os seis puntos. A provincia con máis terreo en ecolóxico é Lugo, xa que suma 16.507 ha (o 49% do total).

En canto ao número de operadores, o Consello anota neste caso unha suba de case oito puntos e computa 1.152 inscritos ao peche de 2018 (un 125,8% máis que en 2008). Cun 37,6%, a vexetal consolídase como a produción maioritaria no conxunto da comunidade.

García Lozano puxo o acento no peso que van cobrando no conxunto do Consello os elaboradores (industrias e comercializadores). En 2001 apenas representaban o 12% e hoxe xa rozan o 25%. O seu papel é fundamental para que o produto certificado chegue ao consumidor final.

DESCARGA DO RESUMO DE 2018

Entrevista

(GL) Avelina Calvo (O Cortizo): “O mel moi barato non pode ser puro”

[/caption]

Tiene intención de probarla, pero todavía no ha caído en sus manos. Con varios premios a sus espaldas, la apicultora lalinense Avelina Calvo Munín no es capaz de hablar de la miel china con conocimiendo de causa. “Cuando dicen por ahí que hay un producto muy barato en el mercado, el asunto no suena bien. Lo que está claro es que no puede ser tan pura como la de aquí”, comenta.

Su empresa, Mel O Cortizo, sumaba días atrás un nuevo premio en la cata que organiza cada año la Consellería de Medio Rural. Con sello ecológico del Craega, mereció la máxima distinción –oro- en la categoría multifloral. “Esta vez tiene bastante brezo y un tono más oscuro del habitual. El sabor es muy intenso”, explica Calvo Munín. “Es un producto natural y eso se nota. Viene de los montes de Zobra, entre O Candán y O Testeiro”, añade.

Esa singularidad que se percibe en el paladar fue precisamente la que inclinó la balanza a su favor. De carácter familiar, O Cortizo posee 200 colmenas de las que se recogen alrededor de mil kilos de miel. “El tiempo influye mucho. Este año empezó muy bien. Se dieron condiciones favorables para la floración, pero después vino mucha lluvia y la cosecha se estropeó”, señala.

O Cortizo tampoco se libra de la avispa velutina. “La conocí no hace mucho y ahora estamos a la espera de vengan a retirar dos nidos. Es una lástima ver cómo atacan las colmenas”, lamenta.

Esta miel ecológica de premio se puede encontrar en puntos como la Praza de Abastos de Santiago y tiendas especializadas. Para potenciar todavía más su sabor, Avelina Calvo sugiere untar filloas y tostadas ou combinarla con requesón.

[/caption]

Ten intención de probalo, pero aínda non caeu nas súas mans. Con varios premios ás súas costas, a apicultora lalinense Avelina Calvo Munín non é quen de falar do mel chinés con coñecemento de causa. “Cando din por aí que hai un produto moi barato no mercado, o asunto non soa ben. O que está claro é que non pode ser tan puro como o de aquí”, comenta.

A súa empresa, Mel O Cortizo, sumaba días atrás un novo galardón na cata que organiza cada ano a Consellería de Medio Rural. Con selo ecolóxico do Craega, mereceu a máxima distinción -ouro- na categoría multifloral. “Desta vez ten bastante brezo e un ton máis escuro do habitual. O sabor é moi intenso”, explica Calvo Munín. “É un produto natural e iso nótase. Vén dos montes de Zobra, entre O Candán e O Testeiro”, engade.

Esa singularidade que se percibe no padal foi precisamente a que inclinou a balanza ao seu favor. De carácter familiar, O Cortizo posúe 200 colmeas das que se recollen arredor de mil quilos de mel. “O tempo inflúe moito. Este ano comezou moi ben. Houbo condicións favorables para a floración, pero despois veu moita choiva e xa se estragou a colleita”, sinala.

O Cortizo tampouco se libra da vespa velutina. “Coñecina non hai moito e agora estamos á espera de que nos veñan retirar dous niños. É unha mágoa ver como atacan as colmeas”, lamenta.

Este mel ecolóxico de premio pode atoparse en puntos como a Praza de Abastos de Santiago e tendas especializadas. Para potenciar aínda máis o seu sabor, Avelina Calvo suxire untar filloas e torradas ou mesturalo con requeixo.