A candidatura presentada por Casa Grande de Xanceda resultou a gañadora do XXIII Premio Aresa de Desenvolvemento Rural.
A produción ecolóxica, o fomento do turismo sostible e a súa aposta pola comunicación en redes foron os tres eixes polos que o xurado decidiu seleccionar a Casa Grande de Xanceda entre as 17 candidaturas presentadas este ano, segundo deu a coñecer este martes, no lugués Pazo de Montenegro, o xurado encargado de emitir o ditame dun galardón, convocado polo Grupo Aresa e a USC.
O tribunal desta vixésimo terceira edición estivo integrado por Antonio López, reitor da USC; Carlota López, adxunta á Presidencia de Aresa; Francisco José Fraga, vicerreitor do Campus de Lugo; Marius Rubiralta, presidente da Comisión Científica Externa do Campus Terra, e Carmen Lence, CEO de Leche Río.
A gala de entrega do Premio terá lugar o vindeiro 10 de marzo.