Arquivos da etiqueta: formación

A Aula Cemit de Chantada acollerá un curso sobre comercialización da castaña eco

A Consellería do Medio Rural, a través da Agacal, en colaboración co Craega, organiza un novo curso de produción ecolóxica. Nesta ocasión a formación estará dedicada á “comercialización da castaña ecolóxica”, e desenvolverase o 6 de setembro na Aula Cemit de Chantada (Lugo). 

Como os outros dous cursos previstos (viticultura ecolóxica e pataca ecolóxica), a xornada comezará a partir das 9:00 horas; tras a presentación do curso, terá lugar unha charla sobre a situación do mercado da castaña ecolóxica, o novo regulamento e a comunicación ambiental de produtos ecolóxicos; a sesión matutina rematará cun coloquio para todos os asistentes.  Pola tarde, a partir das 16:00 horas, levarase a cabo unha visita práctica na empresa Miguel Areán e Hijos, situada no Polígono Industrial de Chantada. 

As solicitudes poden enviarse a clientes@sinerxia.es

A SEAE presenta un mes de xuño cheo de eventos

Desde a SEAE ofrecen un mes de xuño completo de eventos interesantes para o sector ecolóxico. As inscricións para as diferentes citas están abertas e son totalmente gratuítas.

NOVOS RETOS PARA AS SEMENTES EN PRODUCIÓN ECOLÓXICA

Este seminario online celébrase o mércores 9 de xuño a partir das 10:00 horas. O programa completo e inscricións pódense realizar na páxina web. O evento está organizado conxuntamente con Ecovalia no marco do proxecto Liveseed.

EXPERIENCIAS DESDE A AGROECOLOXÍA: GANDERÍA ECOLÓXICA E GANDERÍA REXENERATIVA

Esta cita, organizada xunto a Agroecology Europe, tamén se celebrará o mércores 9 de xuño, a partir das 18:00 horas. Inscripción.

XXIX XORNADAS TÉCNICAS DE SEAE: “UNHA SAÚDE, UN PLANETA, UN MUNDO RURAL DIVERSO”

Estas xornadas serán do 28 do presente mes ata o 1 de xullo. Celebraranse de forma presencial, cada día nun lugar, e online. Toda a información.