Arquivos da etiqueta: Biofach

O bo facer ecolóxico galego conquista Alemaña

O Consello Regulador da Agricultura Ecolóxica de Galicia (Craega) volveu viaxar a Núremberg, tras o parón obrigado por mor da pandemia, xunto a preto dunha decena de operadores certificados, para asistir á 33.ª edición da Feira Internacional de Produtos Orgánicos Biofach, combinada con Vivaness (Feira Internacional do Coidado Persoal Natural e Orgánico), que se desenvolveu entre o martes 26 e o venres 29 de xullo no Exhibition Centre Nuremberg (Alemaña).

Nesta ocasión os embaixadores galegos ecolóxicos co selo do Craega foron Lacto Baltar, AviecoCamoco Foods, Connorsa, Refix, Conservas Ortiz, Mieles Anta e Porto-Muíños, ademais de Mariñeiras Daveiga, que asistiu con expositor propio.  

Bodegón dos produtos ecolóxicos galegos  no centro histórico de Núremberg

A PALABRA DO PRODUTOR

Os nove operadores amosáronse satisfeitos por volver encontrarse con produtores internacionais neste evento e intercambiar sinerxias, coñecer o labor doutros países, levar a produción galega eco fóra das nosas fronteiras… Nas súas propias palabras, Álvaro Pérez, xerente de Lacto Baltar, afirmou o seu interese na feira “por mostrar a súa liña ecolóxica para consumo directo e para o uso na elaboración de xeados”.  Íñigo Tena,  Export Manager de Connorsa, declarou que “Conservas del Noroeste presenta en Biofach a súa nova imaxe, máis moderna e atractiva, da marca Cabo de Peñas ecolóxica”; Ander Montalvo, Export Manager de Conservas Ortiz, incidiu en que “a marca busca dar a coñecer a súa gama ecolóxica nos mercados europeos”; pola súa banda, Laura Pérez, Export Manager de Mieles Anta, lembrou que “tras máis de quince anos asistindo a Biofach, Mieles Anta continúa representando o mel orgánico galego en Europa”; Raúl Anta, Founder de Refix, resaltou que “Refix, bebida natural alcalina, isotónica e de recuperación con 20 % de auga de mar de Galicia e 78 minerais, comeza a grande expansión por Europa coa presentación dos seus produtos en Biofach”; Gabriela Licett, delegada comercial de Camoco Foods, pensa que é “unha grande oportunidade para presentar a nosa liña orgánica destinada a fabricantes do sector bio” e, finalmente, Bibiana Canosa, Export Manager de Porto-Muíños, salienta que un ano máis volveron a Alemaña “coa nosa liña de produtos con algas e envases máis sostibles, tan demandados no momento actual”.

ENCONTRO CON  LUIS PLANAS, MINISTRO DE AGRICULTURA

Por terceiro ano consecutivo, a Federación Española de Industrias de Alimentación e Bebidas (FIAB), co apoio do Ministerio de Agricultura, Pesca y Alimentación (MAPA), organizou o pavillón agrupado español e ata alí se achegou o ministro, Luis Planas, quen tamén se reuniu co ministro federal de Alimentación e Agricultura, Cem Özdemir, para intercambiar opinións sobre asuntos de actualidade agroalimentaria.

Durante a visita, Planas puxo de relevo o carácter estratéxico do sector ecolóxico español e reiteroulles aos produtores o apoio do Goberno para aproveitar o seu gran potencial de crecemento nos vindeiros anos.

O ministro dirixiuse aos representantes das 104 empresas españolas, distribuídas en 11 pavillóns, aos que asegurou que a súa presenza nesta feira está “moi xustificada”, xa que Alemaña é o primeiro mercado para os alimentos ecolóxicos españois.

No seu percorrido polo pavillón, tamén se achegou ata os postos do Craega, nos que puido coñecer de preto o bo facer dos operadores ecolóxicos galegos.

BIOFACH&VIVANESS, REFERENTE MUNDIAL PARA O SECTOR

Este ano o tándem tan esperado composto por Biofach Vivaness celebrou o seu regreso cunha “edición de verán” única na que se rexistraron máis de 24.000 visitantes profesionais procedentes de 137 países. Aproveitando a oportunidade de intercambios persoais, redes e debates en profundidade sobre temas de actualidade, descubriron innovacións e tendencias e gozaron da experiencia dunha variada gama de produtos dos 2.276 expositores de 94 países, polo que tamén foi, sen dúbida, unha excelente oportunidade para difundir a produción galega certificada en ecolóxico.

PRÓXIMA CITA, FEBREIRO DE 2023

Este encontro volverá ao recinto ferial de Núremberg entre o 14 e o 17 de febreiro de 2023 e para esta edición a organización ten pensado afondar na pregunta “Agricultura ecolóxica, protección do clima e saúde: cal é a conexión entre un chan san e persoas sas?”, un enfoque temático que será desenvolvido conxuntamente por IFOAM-Organics International, BÖLW (Federación Alemá de Produtores de Alimentos Ecolóxicos) e Biofach.

 

Luis Planas mantivo un encontro co ministro de Alimentación e Agricultura de Alemaña en BioFach

O ministro de Agricultura, Pesca e Alimentación, Luis Planas, reuniuse durante BioFach co ministro federal de Alimentación e Agricultura, Cem Özdemir, para intercambiar opinións sobre asuntos de actualidade agroalimentaria.

No encontro, Planas manifestou o apoio de España ás iniciativas europeas en materia de produción ecolóxica, xa que contribúen á transición verde do sistema alimentario pola súa achega en termos de sustentabilidade social e ambiental. Remarcou a aposta decidida do Goberno por axudar a agricultores e gandeiros cara a unha agricultura cada vez máis sustentable que, sen dúbida, ten que ser rendible, porque non existe sustentabilidade sen rendibilidade.

VISITA AOS POSTOS DOS PRODUTORES GALEGOS

Luis Planas visitou o pavillón que o Ministerio de Agricultura, Pesca e Alimentación instalou en BioFach, feira de referencia mundial para a produción ecolóxica que se celebrou na cidade de Núremberg do 26 de xullo ata hoxe, onde puxo de relevo o carácter estratéxico do sector ecolóxico español, a quen reiterou o apoio do Goberno para aproveitar o seu gran potencial de crecemento nos próximos anos.

Planas dirixiuse aos representantes das 104 empresas españolas, distribuídas en 11 pavillóns, aos que asegurou que a súa presenza nesta feira está “moi xustificada”, xa que Alemaña é o primeiro mercado para os alimentos ecolóxicos españois. Nesa visita, o ministro achegouse ata os postos dos operadores galegos  eco co selo do Craega que asistiron a esta edición.

Ler nota completa

 

O Craega darase cita na Feira Biofach

A Feira Internacional de Produtos Orgánicos Biofach celebra este ano a XXXIII edición, combinada con Vivaness, a Feira Internacional do Coidado Persoal Natural e Orgánico. Trátase do tándem feiral de Núremberg recibido con grande entusiasmo polo mundo ecolóxico, como demostran os datos da última edición (2020), que convocou  3.738 expositores.

A cita será entre o 26 e o 29 de xullo no Exhibition Centre Nuremberg e, por terceiro ano consecutivo, será a Federación Española de Industrias de Alimentación e Bebidas (FIAB), co apoio do Ministerio de Agricultura, Pesca e Alimentación (MAPA), a que organizará o pavillón español. Nel estarán presentes varios operadores galegos certificados polo Craega: Refix, Conservas del Noroeste (Connorsa), Avilugo, Lacto Baltar, Camemorcol, Mieles Anta, Conservas Ortiz e Porto-Muiños

Tras o encontro virtual por mor da pandemia, a feira alemá regresa cun completo programa de actividades: seminarios, workshops e conferencias sobre diversos temas de actualidade. O Congreso, que terá lugar paralelamente, é desde hai un tempo un foro importante para o sector biolóxico, entre outras cousas porque é onde se amosan as cifras e os feitos máis actuais acerca do seu desenvolvemento.

Todos os detalles da feira, nesta ligazón.

Biofach 2020: o eco galego gaña peso no mercado exterior

Baixo o paraugas do Craega, oito empresas certificadas levaron as súas propostas a Biofach 2020

Oito empresas certificadas polo Craega acaban de aterrar en Galicia procedentes de Núremberg (Alemaña) despois de catro intensos días de feira. En Biofach 2020, o sector eco galego amosou unha vez máis o seu potencial no que está considerado o escaparate internacional de referencia en produción bio. Baixo o paraugas do Consello, promocionaron as súas novas propostas Porto-Muíños; Toca Honey (Mieles Anta); Quescrem (Innolact); Jamones González; Conservas Orbe; The Bio Factory; Coraçai e Orballo

Ata o stand 5 – 281 achegarónse representantes de diversas compañías e organizacións que viñeron a reforzar as axendas dos expositores. A viaxe ao país xermano tamén serviu para manter reunións con clientes que, desde diferentes puntos do mundo, se deron cita en Núremberg para estudar novas canles de negocio. Nos vindeiros meses os participantes estarán en condicións de concretar se as boas sensacións se materializan en frutíferas relacións comerciais.  

O Craega non é un recén chegado a Biofach. A de 2020 era a súa vixésima edición. Nesta ocasión acudiu cun innovador stand de cartón que tiña como leitmotiv o lema Somos Semente, título da campaña publicitaria online que o Consello puxo en marcha meses atrás para promover a agricultura ecolóxica en Galicia.  

A de Núremberg constitúe unha cita estratéxica para os profesionais do sector orgánico. En marcha desde 1990, Biofach e Vivaness -o salón de cosmética natural- habilitaron na pasada edición 12 pavillóns e reuniron a 3.273 expositores de 98 países. 

OUTRAS FEIRAS. O Craega inaugurou o calendario de feiras sectoriais en Biofach. A seguinte parada será Biocultura A Coruña, a celebrar do 28 de febreiro ao 1 de marzo na cidade herculina. No stand agrupado do Consello haberá 21 empresas certificadas. 

Asemade, a entidade que controla e certifica a produción ecolóxica en Galicia prevé asistir a outras dúas edicións de Biocultura (Barcelona e Madrid) e a Organic Food Iberia (Madrid).

[rl_gallery id=”3622″]

O Craega volve por vixésima vez a Biofach, feira líder de produtos eco

Stand do Craega en Biofach 2019, a feira mundial de produtos orgánicos.

O sector eco galego xa quenta motores para Biofach 2020. A celebrar entre o 12 e o 15 de febreiro en Núremberg (Alemaña), o Craega contará por vixésima vez con stand propio. Considerada a feira líder mundial de produtos orgánicos, ofrece unha panorámica completa deste segmento, desde produción e certificación ata transformación e comercialización. Dirixido ao público profesional, o programa inclúe seminarios, workshops e conferencias sobre temas de actualidade.

Baixo o paraugas do Craega, compartirán espazo -82 m2– oito empresas: Porto-Muíños, Toca Honey (Mieles Anta), Quescrem (Innolact), Jamones González, Conservas Orbe, The Bio FactoryCoraçai e Orballo. As propostas do Consello poderán atoparse no hall 5, stand 5 – 281. 

En funcionamento desde 1990, Biofach é a maior feira de produción ecolóxica do mundo. Na última edición pasaron polo Messezentrum máis de 51.500 persoas (o 50% de procedencia internacional). Ademais de Alemaña, no top 5 de visitantes atópanse Italia, Austria, Francia e España. Nos 12 pavillóns habilitados para Biofach e Vivaness –o salón de cosmética natural- déronse cita 3.273 expositores de 98 países.

OUTRAS FEIRAS. A de Núremberg inaugura o calendario de feiras do Craega para 2020.  Pouco despois, do 28 de febreiro ao 1 de marzo, terá lugar a segunda edición de Biocultura A Coruña. Ao igual que en 2018, o Consello contará con stand agrupado para que os seus operadores teñan ocasión de poñer os seus produtos ao alcance de visitantes profesionais e público xeral. 

Na axenda tamén se inclúen a segunda edición de Organic Food Iberia (Madrid, 3-4 de xuño) e Biocultura Madrid (Madrid, 26-29 de novembro), entre outras convocatorias. 

Boas sensacións no Craega trala primeira edición de Organic Food Iberia

O Craega participou cun stand de 78 m2 na primeira edición de Organic Food Iberia (Ifema-Madrid). Foto: Craega

O sector ecolóxico galego despide con boas expectativas o calendario feiral do primeiro semestre. Celebrada en Ifema (Madrid) entre o 6 e o 7 de xuño, Organic Food Iberia (OFI) deixou sensacións excelentes entre as nove empresas que participaron no evento baixo o paraguas do CRAEGA. Xunto con Eco Living Iberia, a cita xorde co obxectivo de converterse nun referente deste segmento en España e Portugal.

Durante as dúas xornadas, no stand C614 houbo un continuo ir e vir de profesionais que aproveitaron para manter contactos cos expositores e interesarse polos seus produtos. Nos vindeiros meses será posible concretar se as primeiras conversas se materializan en contratos comerciais. Con 78 m² de superficie, a esta acción sumáronse Toca (Mieles Anta), Porto-Muíños, Eco González (Jamones González), The Bio Factory (A Factoría Ecolóxica), Coraçai, Casa Grande de Xanceda, Gudi Eco Foods (Eco Bracan S.L.), Galician Brew e Orballo. Ademais, dous representantes do Consello viaxaron ata Madrid para informar aos visitantes tanto sobre a actividade do propio organismo como do que atinxe aos operadores inscritos.

A primeira edición de OFI pechouse cun balance de 5.180 asistentes, segundo as cifras facilitadas desde a organización. Prevista entre o 4 e o 5 de xuño de 2020, para a próxima convocatoria xa está reservado o pavillón 7 de Ifema, o cal dispón dun 50% máis de espazo.

Durante os seis primeiros meses, o Consello tamén estivo con stand propio en Biofach (Núremberg, Alemaña), Natural & Organic Products Europe (Londres) e Biocultura Barcelona. En Tutto Food 2019 (Milán), o CRAEGA contou cun representante que ocupou un espazo no posto habilitado pola Consellería do Mar

[rl_gallery id=”2137″]

O Craega consolida a súa presenza en Biofach despois de case dúas décadas

Biofach 2019-Craega
Trece empresas do Craega participaron en Biofach 2019

Despois de case dúas décadas participando con stand propio, o Consello consolida a súa presenza en Biofach. Pechada días atrás en Núremberg, á última edición sumáronse 13 empresas certificadas, a cifra máis elevada desde que o Craega aterrara por primeira vez no encontro en 2000. Feira líder mundial de alimentos ecolóxicos, ata Alemaña viaxaron Connorsa, Conservas Orbe, El Nogal, Jamones González, Galletas Daveiga, Mieles Anta, Pazo de Lusío, Orballo, Porto-Muíños, Produto de Aldea, Green Mixology, The Bio Factory e Coraçai.

Durante catro xornadas, os representantes das empresas aproveitaron para visitar compradores e provedores de produto, reforzar as súas relacións internacionais e establecer novos contactos comerciais, cuxos froitos se verán materializados probablemente ao longo dos vindeiros meses. Distribuidos nun stand de 110 m2 (pavillón 5), cada posto serviu de escaparate para amosar o produto a potenciais clientes. Ata o certame achegouse unha delegación da Consellería de Medio Rural presidida polo director da Axencia Galega da Calidade Alimentaria (Agacal), Manuel Rodríguez. Durante o percorrido, acompañouno Javier García Lozano, secretario do Craega. Esta acción levouse a cabo co apoio da Xunta e da UE. Pola súa banda, o Igape subvencionou as viaxes e o aloxamento de parte dos expositores.

En marcha desde 1990, Biofach é a maior feira de produción ecolóxica do mundo. Na 30ª edición -celebrada entre o 13 e o 16 de febreiro- achegáronse ao Messezentrum máis de 51.500 persoas (o 50% internacionais), segundo o balance facilitado pola organización. Ademais de Alemaña, no top 5 de visitantes atópanse Italia, Austria, Francia e España. Nos 10 pavillóns habilitados para Biofach e Vivaness –o salón de cosmética natural-, déronse cita 3.273 expositores de 98 países.

A de Núremberg abre o calendario de feiras do Craega para 2019. En abril, está previsto que cinco operadores se despracen a Londres para expoñer en Natural & Organic Products Europe. Xa en España, probablemente haberá stand agrupado en Biocultura (Barcelona e Madrid) e en Organic Food Iberia.

[rl_gallery id=”1491″]

Conta atrás para despegar cara Biofach 2019

O stand do Craega na anterior edición de Biofach (Foto: Craega)

O Craega ata os últimos flocos para emprender rumbo a Núremberg (Alemaña). O 13 de febreiro levanta o pano Biofach 2019, a maior feira de produción ecolóxica do mundo. Trece operadores de diferentes sectores preparan a súa participación na que de seguro será unha cita clave para o seu afianzamento no mercado exterior.

Cara ao país xermano partirán dentro duns días Connorsa, Conservas Orbe, El Nogal, Jamones González, Galletas Daveiga, Mieles Anta, Pazo de LusíoOrballo Innov. Forestales, Porto-Muíños, Producto de Aldea, Green MixologyThe Bio Factory (A Factoría Ecolóxica) e Coraçai. Estarán alí catro xornadas. Esta acción lévase a cabo co apoio da Xunta e da UE. Pola súa banda, o Igape subvenciona as viaxes e o aloxamento de parte dos expositores.

Biofach botou a andar en 1990 coa aspiración de converterse nun referente para os profesionais do sector. Na última edición sumou 2.500 expositores e 44.000 visitantes de 129 países. Para as trece empresas galegas representa unha ocasión excepcional á hora de tecer redes internacionais.