Que é a produción ecolóxica?
É un sistema de produción que busca conseguir alimentos da máxima calidade.
Como?
- Respectando o medio ambiente.
- Conservando a fertilidade do solo.
Mediante
- A utilización óptima dos recursos.
- Sen o uso de produtos químicos de síntese.
Por que é interesante para o agricultor?
A agricultura ecolóxica presenta una serie de vantaxes que a fan dun gran interese para o agricultor/produtor:
- Ofrécelle aos consumidores e a sí mesmo un produto san e de máxima calidade.
- Vivir e traballar nun ambiente sen contaminación e máis equilibrado, sen os riscos de toxicidade que lle pode acarrear a agricultura convencional e sen esquilmar os recursos naturais, o que lle asegura a utilización dos mesmos tanto a el coma ás futuras xeracións.
- Atender a crecente e imparable demanda de productos ecolóxicos, tanto nos mercados máis inmediatos como no conxunto do mercado mundial, xa que son máis valorados e normalmente mellor pagados que os productos convencionais.
Por que é interesante para o consumidor?
As vantaxes que ten para o consumidor mercar produtos ecolóxicos son:
- Asegurarse de que está a consumir os produtos máis saudables, nutritivos e satisfactorios polas súas cualidades organolépticas.
- Contribuir coa súa demanda a fomentar uns sistemas produtivos que axudan a manter este mundo como un lugar máis amigable, máis fermoso e, por riba de todo, máis habitable.
