NOVO LOGOTIPO EUROPEO PARA OS PRODUTOS ECOLÓXICOS

Elixido o novo logotipo europeo que identificará aos produtos ecolóxicos a partires do 1 de xullo de 2010.

09 de xaneiro de 2010

A Comisión Europea anunciou hoxe oficialmente o nome do gañador do concurso para encontrar un logotipo ecolóxico para a UE.
O deseño gañador pertence a Dusan Milenkovic, un estudante alemán, que obtivo o 63 % de votacións a favor do seu logotipo en forma de “eurofolla”.
A partires do 1 de xullo de 2010, o logotipo ecolóxico da UE será obrigatorio en todos os produtos ecolóxicos envasados que foran producidos en calquera dos Estados membros da UE e que cumpran as normas establecidas. O logotipo non será obrigatorio no caso dos produtos importados.
Este novo logotipo europeo poderá ir acompañado doutros logotipos privados, rexionais ou nacionais. O Regulamento relativo á agricultura ecolóxica será modificado nas vindeiras semanas a fin de introducir o novo logotipo.
Mariann Fischer Boel, Comisaria responsable de agricultura e desenvolvemento rural, declarou que está encantada de ter un novo logotipo aplicable aos produtos alimenticios ecolóxicos da UE e que esta operación mellorou a imaxe de ditos produtos e que dispomos agora dun logotipo que todo o mundo poderá identificar.
No deseño en forma de “eurofolla” figuran as estrelas da UE en forma de folla cun fondo verde . Trátase dun símbolo sinxelo que transmite dúas mensaxes claras: natureza e Europa.

abrir pdf